ألأحلام الورديه

موضوع: وبعدين يامصر الأحد ماي 11, 2008 1:16 pm

وبعدين معاكى يامصر

يارمز لكل عصر

إيه اللى جرى لك

ده ماكانش حالك

فجأة بقيتى

لا حول ولا قوة

براكى وردة

وخاوية من جوة

ياعينى على ولادك

غلابة وحياتك

م الشقى قوتهم

والأرض فرشتهم

والسما غطاهم ولحافتهم
فى عز البرد

شباب زى الورد

تعبان وهلكان

ومشاكل مالهاش حل

طابور العيش

خلى الرايق

زى الخفافيش

ضرب وزحام وإهانة

وأعصاب فالتة بعد

ماكانت زى الحديد

وأسعار عالية فى السما

ويوم عن يوم بتزيد

وهييجى اليوم

اللى نشحت فيه

حتى رغيف العيش

يارب الكون أغثنا

وبرحمتك إرحمنا

وبكرمك إكرمنا

مالناش غيرك

يامالك أمرنا

وبالخير رازقنا

وعجبى